Am letschte Mäntig, 14. Dezember 2020, het de Thomas Rübsamen sini letschti Gmeindrotssitzig met öis verbrocht. 7 Johr send scho ome - wie schnell die Ziit lauft, weiss mer ersch, wenn mer öpper mues verabschiede...
Liebe Thomas
mer danked der vo Härze für diin Iisatz för d'Gmeind Challere i de letschte 7 Johr. Sebe Johr hesch du dech vor allem met de Themene Füürwehr, Kultur, Zivilschutz, Kirchenwäse, Friedhof/Bestattig beschäftiget. En prägende Punkt esch secher d'Fusion vo de Challerer Füürwehr gsi. Als Abschluss-Zückerli hesch es du denn sogar no gschafft, öises coole, usdiente TLF met eme guete Priis z'verchaufe. Mega!
Härzleche Dank Thomas för dini Arbet, din Iisatz, dini Gedanke för öisi Gmeind.
Mer wönsched der ganz en gueti Ziit ond hoffed, dass du met dinere nöi gwonnene Ziit, ganz vell schöni Sache chasch ondernäh. Bliib so ufgstellt wied besch.
Gmeindrot ond Verwaltig Challere
